Pieter is gebore en het grootgeword in Standerton. Hy was vir ‘n paar jaar lid van die wêreldbekende Drakensbergse Seunkoorskool, matrikuleer aan die Standertonse Hoërskool, voltooi sy nasionale diensplig in Bloemfontein - 1 Valskerm Bateljon - en studeer aan die Technikon Pretoria. Tydens sy studentejare sluit hy aan by ‘n plaaslike gemeenskapsdiens radiostasie waar sy stem vir etlike jare op hul senders gehoor word as een van hul omroepers. Later word hy ‘n televisie aanbieder vir die kunsprogram Kunskafee, en in 2003 word hy ‘n aanbieder van die gewilde joernaalprogram Kwela, op KykNet.

<p><img src="http://www.naboomwindpompfees.co.za/Pieter-Koen.jpg"><p>

Pieter het sy eerste cd opgeneem in 1997, en dit self bemark en verspry – die cd is eksklusief beskikbaar op aanvraag..!
In 2002 neem hy die liedjie “Amper ‘n Bloubul”op vir die Bloubullle rugby album “As jy horings dra”, later ook “Who let the Boks out?” vir die album “Who left the boks out” en in 2004 neem hy sy volgende solo album, “Skud jou Biscuit” op nadat hy ‘n platekontrak aangebied is deur die platemaatskappy EMI.

Pieter is nie net ‘n bekende gesig op televisie nie, maar word ook gereeld gesien by feeste, skoue en optredes landswyd. Hy was ook al genooi as gas vir verskeie programme op SABC en KykNet wat insluit : Stoute Boude, Pitstop, Geraas, Liriekeraai, Dis hoe dit is saam met Steve, en Wie is Wie.
Met sy borrelende persoonlike, tasbare voorkoms, en energieke optredes is hy verseker ‘n fonds vir die Afrikaanse musiekbedryf.